တန်၅၀၀၀ကျ ဘိလပ်မြေစက်ရုံကြီးကို မြန်မာနိုင်ငံသားပိုင်
Pacific LinkCementCo.,Ltd. နှင့် ထိုင်းနိုင်ငံမှ SCG Cement
Co.,Ltd.(ဆင်တံဆိပ်ဘိလပ်မြေ) တို့က အကျိုးတူ ပူးပေါင်းဆောင်ရွက်မည်ဖြစ်ရာ
စက်ရုံတည်ဆောက် ထုတ်လုပ်မှုအတွက်
မြန်မာနိုင်ငံရင်းနှီးမြှုပ်နှံမှုကော်မတီ(MIC)၏ ခွင့်ပြုချက်ရရှိပြီး
သတ္တုတွင်းဝန်ကြီးဌာန၏ ထုံးကျောက်ထုတ်လုပ်ခွင့်၊ မွန်ပြည်နယ်အစိုးရအဖွဲ့၏
ခွင့်ပြုချက်တို့ရရှိပြီးဖြစ်
သည်။
စက်ရုံတည်ဆောက်ရန်
မြေဧက၁၃၀၀နီးပါးအသုံးပြုရမည်ဖြစ်ပြီး ယင်းအကျယ်အ၀န်းရရှိအောင်
ဒေသခံတို့၏လယ်မြေနှင့်ဥယျာဉ်ခြံမြေတို့ကို လက်ရှိကာလပေါက်ဈေးနှုန်းအတိုင်း
ဝယ်ယူပေးလျက်ရှိရာ ၀ယ်ယူရန် ဧကအနည်းငယ်မျှသာ ကျန်ရှိတော့ကြောင်း
အစိုးရအဖွဲ့မှ တာဝန်ရှိသူက ဆိုပါသည်။အဆိုပါ စက်ရုံတည်ဆောက်မှုကို
ကျိုက်မရောမြို့နယ် ကော့မနော၊ ကော့ဒွန်း၊ပေါက်တော၊ကွမ်ငန်း
ကျေးရွာ
များအနီးရှိ ပျားတောင်နေရာတွင် ယခုနှစ်မိုးရာသီအကုန်တွင်
စတင်တည်ဆောက်သွားမည် ဖြစ်သည်။ စက်ရုံမတည်ဆောက်ခင် ကုမ္မဏီအနေဖြင့်
ဒေသဖွံ့ဖြိုးတိုးတက်ရေးအတွက် ခရုံ-ကော့ပနော ၁၀ မိုင်အရှည် မြေသားလမ်းအား ၁၄
ပေအကျယ် ကွန်ကရစ်လမ်းနှင့် ၄င်းလမ်းတလျှောက်ရှိ စာသင်ကျောင်းများအား
ပြုပြင်ပေးခြင်းကို အရင်ဆုံးပြုလုပ်ပေးသွားမည်ဟု သိရသည်။
ဆင်တံဆိပ်
ဘိလပ်မြေ (SCG) ကုမ္မဏီသည် ကမ္ဘာ့ဘိလပ်မြေ တင်ပို့ရောင်းချမှု၏
၄၀ရာခိုင်နှုန်းကို ရရှိထားပြီး ထိုင်းနိုင်ငံတွင် လည်ပတ်ထုတ်လုပ်နေသည့်
ဘိလပ်မြေစက်ရုံများသည် သဘာဝ ပတ်ဝန်းကျင် မထိခိုက်အောင်
အဓိကထားလုပ်ဆောင်လျှက်ရှိရာ မွန်ပြည်နယ်၌ စက်ရုံတည်ဆောက်ရာတွင်လည်း
ယင်းကဲ့သို့ လုပ်ဆောင်သွားမည်ဖြစ်ကြောင်း သိရသည်။ စက်ရုံလည်ပတ်ရာတွင်
အသံဆူညံမှု မရှိခြင်း၊ ထုံးကျောက်တောင်များ မိုင်းခွဲရာတွင် အသံမထွက်ခြင်း၊
ဖုန်မှုန့်မထွက်ခြင်းစသည့်ခေတ်မီနည်းပညာများကို အသုံးပြု၍ လုပ်ဆောင်သွားမည်
ဖြစ်ပြီး လိုအပ်ပါ ကသဘာဝပတ်ဝန်းကျင် ပျက်စီးဆုံးရှုံးမှုမရှိအောင်
သစ်တောဌာနတစ်ခုကို ဖွဲ့စည်းခြင်းတို့ကို ပြုလုပ်သွားမည်ဖြစ်ကြောင်းသိရသည်။
ထို့ပြင် စက်ရုံနှင့် ပတ်သက်၍ ကျေးရွာလူထု
ပါဝင်စွက်ဖက်ကြည့်ရှုလေ့လာနိုင်ရန်နှင့် အကြံပြုနိုင်ရန် စက်ရုံအတွင်း
ရက်သတ္တပတ်လျှင်တစ်ရက် ၀င်ရောက်ကြည့်ရှုခွင့် ပြုမည်ဖြစ်ပြီး ဒေသခံ
ပြည်သူများအား စက်ရုံ၏ လိုအပ်သည့် ၀န်ထမ်း၏ ၉၀ ရာခိုင်နှုန်းအား အလုပ်အကိုင်
ဖန်တီးပေးသွားမည်ဖြစ်ကြောင်း သိရသည်။စက်ရုံအတွက် အလုပ်လုပ်
ကိုင်သူများအား လိုအပ်လျှင် ပညာတော်သင်စေလွှတ် ပေးသွားမည်ဖြစ်ကြောင်း သိရသည်။
ဘိလပ်မြေစက်ရုံ စတင်လည်ပတ်ပါက ထိုင်းနိုင်ငံမှမြန်မာနိုင်ငံသို့
တင်ပို့လျက်ရှိသည့် ဆင်အမှတ်တံဆိပ် ဘိလပ်မြေများကို
မတင်သွင်းတော့ဘဲစက်ရုံမှ ထွက်ရှိသော ဘိလပ်မြေများကို မြန်မာ
တစ်နိုင်ငံလုံးသို့ဖြန့်ချီသွားမည် ဖြစ်သည်။ စက်ရုံမှ ထွက်ရှိသော
ဘိလပ်မြေတချို့အား ပြည်ပနိုင်ငံသို့ တင်ပို့ရောင်းချရန် ပေါက်တောကျေးရွာမှ
အတ္ထရံမြစ်သို့မီတာ ၃၀၀၀၀ ကျော် တူးမြောင်းဖောက်လုပ်၍ ရေလမ်းကြောင်းဖြင့်
အသုံးပြုသွားမည်ဖြစ်ကြောင်း သတင်းရရှိသည်။
No comments:
Post a Comment